Mjaftore Mullaraj, ka gati 4 dekada në arsim. Ka mësuar me mijëra nxënës, ka punuar në disa qytete, ka qenë pjesë e tranzicionit, por asgjë nuk e ka ndaluar mësuesen ta dojë këtë profesion, njësoj si ditën e parë.

“Mësuesit i besohet fëmija, prindi fëmijën e ka si sytë e ballit, kështu që mësuesi ndërton të ardhmen e fëmijës së tij, mësuesi është ai që ndërton shoqërinë e ardhme. Vërtet kërkon punë, durim, por kënaqësia që të jep profesioni i mësuesit nuk ta jep asnjë tjetër. Mendon për ish-nxënësit e tu, që i ke në të gjitha fushat e jetës; i ke mjekë, mësues, arkitektë, madje dhe në parlament kam pasur një ish-nxënës” Mjaftore Mullaraj, mësuese në shkollën “Kosova”.

Ndryshimi I brezave, ka sjellë dhe në bankat e shkollës vështirësitë e marrëdhënies mësues nxënës. Mësuese Mjaftore, ja ka dalë që me durimin e saj dhe punën e palodhur, ti ketë nxënësit miqtë e saj më të mirë.

“Edhe kur marrin disa nxënës nota të këqija, zysha ose na i përsërit ose thotë nuk ka gjë herën tjetër do bëjmë më mirë”.

“Unë mendoj se mësuesja jonë mund ta gjesh vetën më përralla, është mësuesja ëndrrave. Qëkur erdha në klasë të parë sa e pash, e pash që ishte mësuesja perfekte. Nuk të bërtet, të fal, nëse bën gabime, të ndihmon”.

Një nënë, një mësues, një libër dhe laps ndryshojnë botën. Viteve të punës së mësuese Mjaftores janë drejt fundit, por e lumtur se ja ka arritur qëllimit të saj.

Marrëdhënia nxënës-mësues, duhet të ketë autoritet, por jo në mënyrë negative që të ketë frikë fëmija. Mësuesi duhet të jetë drejtues i drejtë, nxënësit duhet të kërkojnë të zhvillojnë të menduarit logjik.

Kënaqësia më e madhe për një mësues, është mirënjohja e nxënësve. Në këtë 7 Mars, mësuese Mjaftore, e kishte shpirtin dhe klasën plot.

LEXONI GJITHASHTU:

• Skuadra e pushkatimit të SHBA do të kryejë ekzekutimin e parë pas 15 vitesh
• Manastirliu-Manja firmosin marrëveshjen për edukimin në shkolla kundër korrupsionit