I riu i Tiranë kanos me thikë dhe qëllon efektivët e policisë

Një ngjarje e rëndë ka ndodhur në Tiranë këtë të hënë, ku një persona ka goditur punonjësit e Policisë së Shtetit.

Bëhet me dije se autori është një 27-vjeçar, i cili në gjendje të dehur, ka goditur efektivët e policisë dhe i ka kanosur ata me një thikë.

Ngjarja ka ndodhur në rrugën “Ali Gjuzi”.

Policia ka bërë të mundur neutralizimin dhe arrestimin e autorit, ndërkohë që materialet në ngarkim të tij kanë kaluar në prokurori për veprime të mëtejshme.

“Specialistët për Hetimin e Krimeve të Komisariatit të Policisë Nr. 3 arrestuan shtetasin A. K., 27 vjeç, banues në Tiranë, pasi në rrugën “Ali Gjuzi”, duke qenë në gjendje të dehur, ka goditur punonjësit e Policisë dhe i ka kanosur ata me një mjet të mprehtë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme”, thuhet në njoftimin e policisë.

LEXONI GJITHASHTU:

• Në burg për tjetër krim, 33-vjeçari zbulohet të jetë “koka” e grupit të kokainës
• Zbardhet dëshmia e Kushtrim Kokalla: Naimi para 1 viti më ka lutur ta vras Liridonën
• Kanosi me kallashnikov një person në restorant, arrestohet në Bruksel 30-vjeçari