I riu që la punën si programues për t’iu dedikuar meditimit

Bersi hoqi dorë nga puna si programues për t’iu dedikuar meditimit, zhvillimit personal dhe udhëtimit nëpër botë.

Personazhi i këtij episodi të “Real People” tregoi se ka jetuar për dy javë i izoluar në një hapësirë në veri të Tajlandës me murgj budistë dhe aty ka mësuar të meditojë. Orari ishte shumë strikt, siç tregoi dhe Bersi.

Ata zgjoheshin në 5 të mëngjesit dhe meditonin rreth 4 orë në ditë.

Çdo aktivitet që Bersi ka mësuar në atë trajnim lidhet me disiplinën e mendjes.

“Trajnime të tilla të shkëpusin nga teknologjia që ti të lidhesh me veten. Në muajt që pasuan unë i bëja pyetjen vetes nëse kjo do të jetë dita e fundit e jetës time, a do të vazhdoja të jetoja si sot? Dhe kjo ishte një pyetje që ne e morëm gjatë trajnimit të meditimit në Tajlandë,” – u shpreh Bersi.

I riu tha se nga ai moment vendosi të shkëputej nga e përditshmja dhe t’i dedikohej diçkaje që nuk ishte e sigurt, por ishte pikërisht ajo që donte të bënte.

LEXONI GJITHASHTU:

• Real People| A janë vërtetë murgjit budistë?
• Për 10 vite përdorues heroine, Marseli rrëfen për “Real People” momentet e vështira