“Apostulli” është libri i parë i një biografie të re për Fan Nolin me autor studiuesin Ilir Ikonomi, ish-gazetar i Zërit të Amerikës, i cili premton për një seri me tre vëllime.
Në këtë vëllim prej 430 faqesh, botim i UET Press, Ikonomi na jep një përshkrim realist dhe me ngjyra të gjalla të Fan Stilian Nolit, në periudhën që fillon me arritjen e tij në Amerikë në vitin 1906 dhe mbaron në vitin 1920, kur ai u largua për në Shqipëri.
Gazetari Ilir Ikonomi i cili e prezantoi librin e tij të ri në Panairin e 26 të librit në Tiranë tha në emisionin GoodMorning Albanians në Euronews Albania se çmimet në panair ishin më të shtrenjta se në Amerikë.
“Librat në përgjithësi janë të shtrenjtë në Shqipëri në krahasim me Amerikën dhe vende të tjera duke i krahasuar me nivelin e pagave. Ka libra që janë 20 mijë lekë, i bie që në Amerikë të kushtojnë 80 dollarë dhe askush nuk e blen kaq shtrenjtë një libër në Amerikë”, tha gazetari.
LEXONI GJITHASHTU:
- Gazetari bën zbulimin e rrallë: Fan Noli i kishte shkruar një letër Ismail Qemalit
- “Apostulli”, Ilir Ikonomi sjell biografinë e re të Fan Nolit
