Incidentet e protestës, grupi parlamentar i PD kallëzim penal në SPAK

Grupi Parlamentar i Partisë Demokratike ka dorëzuar një  kallëzim penal në SPAK dhe Prokurorinë e Tiranës kundër Ministrit të Brendshëm, Drejtorit të Përgjithshëm të Policisë, Drejtorit të Drejtorisë Vendore Tiranë, dhe zyrtarëve të tjerë të Policisë së Shtetit:

Ky kallëzim vjen një ditë pas mbajtjes së protestës së opozitës, sipas grupit parlamentar të PD-së personat në postet e lartpërmendur kanë konsumuar 6 vepra penale:

“Dëmtime të tjera me dashje”, “Shpërdorimi i detyrës”, “Kryerja e veprimeve arbitrare”, “Mosmarrja e masave për të ndërprerë gjendjen e paligjshme”, “Shkelja e barazisë së shtetasve”, “Pengim në ushtrimin e të drejtës për t’u shprehur, grumbulluar apo manifestuar”, të kryera në bashkëpunim, parashikuar nga nenet 25, 90, 248, 250, 251, 253 dhe 261 të Kodit Penal të Republikës së Shqipërisë.

“Në kallëzim janë evidentuar faktet dhe provat që dëshmojnë se tubimi i njoftuar nga Partia Demokratike ishte tërësisht i ligjshëm, si një e drejtë që garantohet nga Kushtetuta dhe se pengimi nga Policia e Shtetit ishte i kundërligjshëm dhe kriminal. Dhuna e ushtruar ndaj deputetëve, zyrtarëve politik të opozitës dhe qytetarëve, ka qenë e motivuar politikisht dhe një akt i rëndë kriminal i kryer në bashkëpunim nga zyrtarët e policisë së Shtetit”,-thuhet në njoftimin e grupit të PD-së.

LEXONI GJITHASHTU:

• Po tentohet të shpërndahet protesta, forca të policisë dislokohen te bashkia
• Nis me tensione protesta e opozitës, qytetari futet me makinë mes protestuesve