Nga data 15 nëntor është hapur në Pallatin e Kongreseve Panairi i Librit 2023.

Libra të zhanreve të ndryshëm kanë zënë vend në 100 stenda e shtëpive botuese nga Shqipëria, Kosova, Maqedonia e veriut dhe Mali i Zi, në pritje të lexuesve pa dallim moshe.

Por çfarë lexojnë më shumë shqiptarët dhe sa ndikojnë influencerat në shitjen e një libri apo autori?

Aktivistja Zhaklin Lekatari tha në një intervistë për Euronews Albania se vetë është pjesë e influencerave të librave dhe sipas saj është gjë shumë pozitive që ky lloj marketingu ekziston.

Lekatari tregoi se në audiencën e njerëzve që e ndjekin në rrjetet sociale bisedohet edhe për librat që ajo propozon.

“Unë mendoj se nuk duhet dekurajuar lexuesi, është e mirë që kemi një panair, që nëntori në vendin tonë është kthyer në një muaj të librit. Nuk më pëlqejnë thirrjet mos shkoni në panair se promovohen 3-4 autorë që brenda disa muajsh kanë nxjerrë disa libra, e di që mund të duket vanitoze por më mirë ta kemi këtë se sa mos ta kemi fare”, tha Lekatari.

LEXONI GJITHASHTU:

• Basha në Panairin e Librit: Më bëhet zemra mal kur shoh të rinj që lexojnë
• Nga futbollist në autor, Rrëfimi i Thuram për botimin në Panairin e Librit