I ftuar në emisionin “Now” në Euronews Albania për të diskutuar rreth vendimit të BE-së për të hapur negociatat me Shqipërinë për grup-kapitullin e parë ishte edhe Gjergji Vurmo, Ekspert për Çështjet e Bashkimit Europian.
I pyetur nga moderatorja Erla Mëhilli nëse i ka bërë Shqipëria detyrat e shtëpisë për sa i përket integrimit, eksperti deklaroi:
“Politikisht është shumë e vështirë të parashikosh se sa do të zgjasë procesi i anëtarësimit të plotë të Shqipërisë në BE. Po të shohim vende të cilat e kanë nisur këtë proces 10 apo 12 vjet më parë bëhet edhe më e vështirë të parashikojmë nëse procesi do zgjasë 5 vjet, 10 vjet apo nuk do mbarojë asnjëherë. Por po ta shohim teknikisht ka disa elementë interesantë. Në fillim të tetorit qeveria dorëzoi në Bruksel pozicionin e vetë negociues, është një dokument rreth 130-140 faqe. Ndërkohë të martën u prezantua edhe pozicioni i Këshillit të BE. Nëse krahasojmë 2 dokumentet, të parin ku e vendos theksin dhe të dytin nga ana e BE kanë një sërë diferencash që të lënë të kuptosh shumë gjëra.
E para dokumenti jonë që në faqen e 3 ose të 4 flet për nevojën e një procesi të përshpejtuar, ndërkohë procesi i përshpejtuar as nuk përmendet fare në pozicionin negociues të Bashkimit Europian.
Në pozicionin negociues të Shqipërisë për një pjesë të grup-kapitujve të Klasterit të parë ofrohen si reforma ose si masa që qeveria do t’i ndërmarrë në mënyrë që t’i përgjigjet procesit të përshpejtuar të anëtarësimit. Nëse shohim standardet e ndërmjetme që Komisioni Europian ka përcaktuar për secilën prej kapitujve dhe fushave, do të vëmë re që asnjë nga standardet e ndërmjetme që ka përcaktuar BE nuk kanë lidhje me atë që ka premtuar qeveria ose Shqipëria për një proces të përshpejtuar”.
Ndërkohë që kërkojmë një proces të përshpejtuar nuk jemi mjaftueshëm seriozë apo edhe kërkues për të ndërmarrë ato reforma që realisht do t’i jepnin një tjetër ritëm procesit të anëtarësimit në BE”, deklaroi Vurmo.
LEXONI GJITHASHTU:
- U vonua BE, apo Shqipëria për çeljen e negociatave, Ditmir Bushati: Faj i dyanshëm
- “Ramës nuk i intereson anëtarësimi në BE”, Curri: Autokrat me të njëjtat batuta
