Inteligjenca Artificiale do dallojë tumoret! Mjekja shpjegon risinë në QSUT

Inteligjenca artificiale duket se ka mbërritur edhe ne spitalet shqiptare. Për herë të parë mbërrin një pajisje e saj në QSUT, përkatësisht në shërbimin e gastro-hepatologjisë, çka do të ndihmojë mjekët për të diagnostikuar saktë problemet në zorrën e trashë.

Adriana Babameto, shefe e Shërbimit të Gastro-Hepatologjisë në QSUT tha në një intervistë për Euronews Albania se inteligjenca artificiale do të përdoret për të diagnostikuar tumoret.

“Marrja e një pajisjeje të tillë për endoskopinë dhe konkretisht për kolonoskopinë është risi për shërbimin tonë, QSUT dhe në plan kombëtar. Aplikimet kryesore në këtë fushë janë ato që kanë të bëjë me identifikimin e lezioneve kanceroze dhe prekanceroze. Është një sistem që na ndihmon të rrisim cilësinë e endoskopisë. Është si një ndihmës sekondar përkrah mjekut, përmirëson cilësinë e ekzaminimit, dukë përmirësuar shkallën e dedektimit të këtyre lezioneve dhe vlerësimit të thellësisë së shtrirjes së lezioneve malinje”, shpjegoi mjekja.

LEXONI GJITHASHTU:

• Inteligjenca Artificiale “mbërrin” në QSUT, ku do përdoret
• BE miraton ligjin e parë në botë për inteligjencën artificiale