‘Irani s’vepron i vetëm’, Salianji: Shqipëria është sulmuar nga minimalisht 3 shtete

Deputeti demokrat Ervin Salianji, thotë se Policia e Shtetit dhe prokuroria duhet të kenë sa më shpejt një përgjigje se si ka rënë sistemi dhe a kanë pasur hakerat bashkëpunëtorë nga brenda.

Në një intervistë për Euronews Albania, Salianji u shpreh se Shqipëria është objekt i sulmit kibernetik nga minimalisht tre shtete që kanë interesat e tyre gjeopolitike.

“Shqipëria është në një sulm kibernetik nga minimalisht tre shtete që kanë interesat e tyre gjeopolitike. Shqipëria si vend ka rëndësi specifike. Të gjitha vendet e rajonit kanë pësuar sulme, edhe më të rënda, por të vetmit që kemi dështuar jemi ne. Të gjitha sistemet e tjera që kanë pësuar sulm, kanë rezistuar”, tha deputeti i PD.

‘Homeland Justice’ publikoi një ditë më parë dokumente të tjera nga skedarët e policisë.

Bëhet fjalë për persona të dyshuar kontingjentë të përfshirë në krime.

Rreth 2 javë më parë, grupi i hakerave iranianë “Homeland Justice” publikoi video nga disa pika kufitare dhe dhoma shoqërimi në komisariate.

LEXONI GJITHASHTU:

• ‘Hakerat, 1 vit brenda sistemeve’, eksperti Softa: Jemi në luftë të gjatë me Iranin
• Hakerat marrin edhe MEMEX? Sulmi kibernetik prek serverin e të dhënave operative