Ironia e gazetarit: Ramën ta marrë një avion transoqeanik, të çohet në Guantanamo

Gazetari Flogert Muça ironizoi skandalin e ish-agjentit të FBI-së në një intervistë për Euronews Albania.

“Pritet që të vijë nga Guantanamo, një avion transoqeanik dhe të ulet në aeroportin e Kukësit dhe të marri kryeministrin Rama ta çojë në Guantanamo sepse ai ka korruptuar FBI-në, ka korruptuar Departamentin Amerikan të Shtetit, Shtëpinë e Bardhë, ka bërë namet domethënë. Praktikisht, kryeministri Rama sot që flasim po udhëheq botën, po drejton botën, po komandon Shtetet e Bashkuara të Amerikës dhe mjerë ne se kemi arritur në një pikë që edhe Amerika po udhëhiqet nga ne,” – u shpreh gazetari me ironi.

Muça tha se është normale që opozita të kapet me të tillë element, siç do bënte dhe Rama po të ishte në vendin e tyre, por duhet mbajtur një qëndrim më realist dhe sipas tij dosja që është sot në Uashington është thjesht një “fije bari” pas të cilës po kapet Berisha.

LEXONI GJITHASHTU:

• Berisha: Rama-McGonigal bënë një grusht shteti kundër pluralizmit
• Skema kundër rivalit të Deripaskës, McGonigal ndihmoi në “luftën” mes oligarkëve