Ish-deputeti i Partisë Demokratike, Myslym Murrizi, është paraqitur paraditen e kësaj të marte në Prokurorinë e Posaçme.
Në dalje të Prokurorisë së Posaçme, ish-deputeti tha se ishte thirrur në SPAK për një kallëzim që kishte bërë. Ai nuk dha detaje mbi dosjen për të cilën ishte thirrur, por shtoi se gjithçka pritet të merret vesh shumë shpejt.
“SPAK-u ka kryer punë me Myslimin bashkë me të gjitha prokuroritë e Shqipërisë, jam i pari që jam hetuar 10 muaj rresht nga një grusht fëlliqësirash në Policinë e Shtetit. Do ta merrni vesh më vonë. Oficeri më shoqëroi tek një prokuror, nuk e njoh, nuk ia mora kartën e identitetit, se nuk kisha marrë as kartën time me vete. Unë hyra me duar në xhepa, materialet shtesë i kanë ata që hyjnë me dosje. Unë për fatin e keq mbaj mend shumë, nuk kam nevojë për letra. Isha i thirrur si një nga 3.8 milionë votuesit dhe një nga 5 milionë shqiptarët”, tha Murrizi.
LEXONI GJITHASHTU:
- Avokati amerikan i Veliaj nuk lejohet të ndjekë procesin në gjykatë si vëzhgues
- Veliaj në Apelin e GJKKO: SPAK ka përgjuar telefonatat me familjarët e mi