Ish-diplomati britanik: Krahasimi i Putinit me Stalinin, fyes për ish-liderin e BRSS

Ish-ambasadori i Mbretërisë së Bashkuar në Rusi, Sir Andrew Wood, është shprehur se krahasimet mes presidentit aktual të Rusisë, Vladimir Putin dhe ish-udhëheqësit të Vashkimit Sovjetik, Stalinit, janë fyese për Stalinin.

Sipas mediave të huaja, komentet ai i bëri teksa është pyetur se çfarë mendimi kishte për komentet e Sekretarit të Mbrojtjes, Grant Shapps, i cili iu referua Putinit si një “Stalin i sotëm”. Sir Andrew tha se krahasimi ishte “më tepër fyes për Stalinin”.

“Stalini vepronte në një regjim të poshtër dhe gjakatar, por ishte një regjim me organizim”, tha ai.

“Mënyra se si Rusia tani qeveriset nga Putini nuk është një regjim në kuptimin që nuk është i organizuar në asnjë mënyrë, përveçse atje duhet të bëjnë atë që thotë Putini,” tha ai.

I pyetur se si e sheh Rusinë tani, Sir Andrew u përgjigj: “Me keqardhje”.

“Unë mendoj se Putin është një tradhtar i vendit të tij. Ai ka krijuar diçka që tani është e interesuar kryesisht për dhunë dhe gjak”.

“Është ‘lufta kundër luftës’, e cila është ajo që e qeveris atë. Kur ai flet për unitetin e popullit rus rreth tij dhe mirënjohjen e tij për këtë, ai thotë marrëzi.”

LEXONI GJITHASHTU:

• Putin shpall fitoren e zgjedhjeve në Rusi: Krimet e protestuesve do të ndëshkohen
• Nisin zgjedhjet në Rusi, Vladimir Putin gati për të siguruar mandatin e tij të pestë