Ish-kryeministri i RMV-së dënohet me 9 vite burg për herë të katërt

Ish-kryeministri i Maqedonisë së Veriut, Nikola Gruye është dënuar për herë të katërt që nga viti 2018 me nëntë vite burg për shpërdorim detyre.

Ai u shpall fajtor për urdhërimin e shkatërrimit të një kompleksi dhe biznesi shumë milionë eurosh në Shkup, në vitin 2011.

Prokurorët thanë se incidenti ishte një akt hakmarrjeje politike dhe se kompleksi i përkiste kreut të një partie të vogël që sapo ishte larguar nga qeveria e Gruevskit.

Ish-ministri i Transportit të Maqedonisë së Veriut, ish-Kryebashkiaku i Shkupit dhe një Zyrtar komunal janë burgosur për këtë rast në bashkëpunim me Nikola Gruye.

Ata u shpallën fajtorë për deklarimin e rremë të ndërtimit të paligjshëm dhe lehtësimin e prishjes së tij me eksploziv.

Gjykata në Maqedoninë e Veriut urdhëroi që të tre të paguajnë bashkërisht 11 milionë euro dëmshpërblim, përveç dënimeve me burg.

Ish-kryeministri 51-vjeçar jeton në Hungari për më shumë se tre vite, për shkak se ndaj tij rëndojnë shumë akuza të ndryshme.

LEXONI GJITHASHTU:

• PE i kërkon BE-së të nisë negociatat me Shqipërinë dhe RMV në qershor