Ish-ministri i Jashtëm kroat: Ja kur do ta njohë Serbia Kosovën

Ish-ministri i Jashtëm kroat, Davor Ivo Stier komentoi në një intervistë për “Balkan Talks” në Euronews Albania situatën mes Kosovës dhe Serbisë, duke pohuar se askush nuk pret që Beogradi ta njohë zyrtarisht Prishtinën.

Sipas tij ajo që po tentohet me dialogun është të udhëzohen dy vendet për të zbatuar marrëveshjen e arritur në Ohër.

“Nuk është rastësi që Borrell dhe Lajçak janë të dy nga vende që nuk e njohin Kosovën si shtet të pavarur. Gjithsesi, po zbatojnë një qasje shumë pragmatike që do ta lejojë Kosovën të jetë anëtare e Kombeve të Bashkuara, e Bashkimit Evropian. Duke pasur këto dy ndërmjetës dhe lehtësues dialogu, mendoj se po tregojnë rrugën se askush s’po pret që Beogradi ta njohë zyrtarisht Kosovën, por duhet të zbatojë Marrëveshjen që është arritur në Ohër dhe të ecë përpara. Kjo do të lejojë të krijohet një arkitekturë paqeje dhe sigurie.

Nëse njohja zyrtare do vijë në një moment te caktuar, kërkon një diskutim, por duhet të zbatojmë në praktikë atë që është arritur në marrëveshje, edhe nëse nuk është firmosur, është krijuar marrëveshja dhe duhet zbatuar. Duhet t’i kërkojmë autoriteteve në Prishtinë dhe Beograd të ecin përpara dhe ta zbatojnë. Edhe Beogradi duhet ta bëjë. Kjo përfshin moskundërshtimin për përfshirjen e Kosovës në organizata rajonale dhe ndërkombëtare. Kjo është shumë e qartë,” – u shpreh Stier.

LEXONI GJITHASHTU:

• Zbatimi i marrëveshjes Kosovë-Serbi, palët ende larg pajtimit
• QUINT reagon për tensionet në Veri: Autoritetet e Kosovës të zmbrapsen menjëherë