Ish-ushtari i UÇK-së rrëfen ngjarjen: Ja si e shpëtova Ramush Haradinajn…

Bujari Haradinaj ish-ushtari i UÇK-së ishte këtë të hënë në “People” në Euroneës Albania ku ka treguar rreth luftës së zhvilluar në Kosovë.

Teksa ka luftuar ai është plagosur me 18 plumba, por siç shprehet ai asnjëherë nuk është mposhtur.

Bujrai ka treguar gjithashtu një moment ku Ramush Haradinaj, tashmë kreu i AAK-së në Kosovë, ka rrezikuar jetën pasi ishte i plagosur në gjendje shumë të rëndë.

“Ne na ishte ndërprerë komunikimi. Ramushi ishte i plagosur rëndë, nëse do kishte kaluar edhe një orë, Ramushi do kishte ndërruar jetë atë ditë. Nga ora 7 në mbrëmje u ndalën të shtënat. Ne dolëm dhe pamë që forcat serbe kishin lëvizur në heshtje. Ne nuk i dëgjonim më dhe as nuk i pamë më. Me zor jemi dëgjuar me të tjerët në shtëpitë e tjera dhe kemi shkuar gradualisht duke u bashkuar.

Ishte një mur diku 1 metër e gjysmë dhe ishte problem që Ramushi duhet të kalonte. Ata nga ana tjetër nuk e dinin që Ramushi ishte i plagosur, unë mundohesha ta shtyja por s’kishe ku ta kapje,s e ishte i plagosur rëndë. Ai më tha veç më shty andej. Janë bashkuar gjithë familjadhe u munduam të dilnim nga rrethimi, fatmirësisht ishin larguar forcat serbe dhe ne kemi arritur ta shoqërojmë Ramushin deri në Jabllanicë ku kemi thirrur një mjek dhe i ka dhënë ndihmën e parë”,-tha ish-ushtari i UÇK-së.

LEXONI GJITHASHTU:

• “U hap kutia e Pandorës!” Eksperti: Shqipëria dhe Kosova duhet të armatosen
• Kosova 17 vjet shtet, Rama: Gëzuar Pavarësinë dhe mbarësi gjithmonë