Ish-ylli i Cityt firmos me klubin e ri pasi u shpall i pafajshëm për përdhunim

Ish-mbrojtësi i Manchester Cityt, Benjamin Mendy, ka nënshkruar një kontratë me klubin e Lorientit në ligën e paë franceze, vetëm disa ditë pasi ai u shpall i pafajshëm për akuzat e përdhunimit.

Në fillim të këtij viti, futbollisti ishte shpallur i pafajshëm për sulme seksuale ndaj një numri femrash.

Por juria nuk ishte në gjendje të merrte vendime për dy akuzat dhe pati një rigjykim, në të cilin ai u shpall i pafajshëm javën e kaluar.

Të mërkurën, skuadra franceze e Ligue 1, FC Lorient, njoftoi se kishte nënshkruar kontratën me 29-vjeçarin.

Në një deklaratë, një zëdhënës i FC Lorient shkroi: “Klubi është i kënaqur të njoftojë sot nënshkrimin për dy sezone të mbrojtësit të majtë francez, Benjamin Mendy. Pas kalimit të një ekzaminimi mjekësor, Mendy vjen për të përforcuar skuadrën për këtë sezon të ri”.

Mendy u bë mbrojtësi më i shtrenjtë i Premierligës kur City i pagoi 52 milionë paund Monacos për të në vitin 2017.

Ai fitoi tre tituj me Manchester Cityn dhe ishte pjesë e skuadrës së Francës fituese të Kupës së Botës në 2018.

Mendy u lirua nga klubi i Mançesterit kur kontrata e tij skadoi në fund të qershorit, pasi kishte luajtur për herë të fundit për kampionët aktualë të Premier League në gusht 2021.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• Ylli i City-t shpallet i pafajshëm, gjykata liron nga akuzat për përdhunim Mendyn

• I akuzuar për disa abuzime seksuale, gjykata jep vendimin për yllin e City-t