Ish-zv.ministri i Mbrojtjes Dritan Hila thotë se ka një axhendë sekrete ruse që synon destabilizimin e Shqipërisë.
Në emisionin Now në Euronews Albania, Hila u shpreh se Rusia si një shtet që ka lënë 200 mijë të vrarë në Ukrainë ka edhe një axhendë në prapavijë për të destabilizuar Ballkanin, dhe Shqipëria si anëtare e NATO-s është vend kyç.
“Që ka një axhendë për destabilizimin e Ballkanit dihet. Nëse ka një axhendë të destabilizojnë Malin e Zi me 500 mijë banorë si nuk paskan axhendë për Shqipërinë, nuk po them që e ka PD. Ka disa agjenci të huaja që e thonë këtë. Jemi duke folur për një vend që ka lënë 200 mijë të vdekur në Ukrainë dhe nuk paska një axhendë në prapavijë? Shqipërua është një vend kyç në NATO. Ka një axhendë destabilizuese në Shqipëri”, tha Hila.
LEXONI GJITHASHTU:
- Dritan Hila: Berisha do të tregojë që destabilizon vendin
- Andi Bushati: Arsyeja pse do mungojë Albin Kurti nesër në Tiranë