Ish zv. Ministrja e Brendshme Rovena Vodo dënohet me 10 muaj burg

Gjykata e Posaçme dënoi ish-zv. Ministren e Brendshme Rovena Vodo me 10 muaj burg.

Vodo u arrestua pasi mori ryshfet për të punësuar dikë në ministri.

Gjykata  e dënoi Vodën me 1 vit e 3 muaj burgim, por për shkak të gjykimit të shkurtuar, ish-zv.ministrja do të kryejë vetëm 10 muaj burg.

Edhe dy të pandehurat e tjera, bashkëpunëtore të Vodës, Florida Beu dhe Majlinda Hasani janë dënuar me nga 10 muaj burg.

Kujtojmë se SPAK kërkoi dënimin me 1 vit e 6 muaj burg për ish-zv.ministren e Brendshme, Rovena Voda. Voda u shpall fajtore nga GJKKO për akuzën e “ushtrimit të ndikimit të paligjshmen ndaj personave që ushtrojnë funksione publike”.

Për dy të pandehurat e tjera, Florida Beu dhe Majlinda Hasani SPAK kërkoi nga 15 muaj burg, që për shkak të gjykimit të shkurtuar shkon në 10 muaj.

Sipas dosjes hetimore, në cilësinë e zv.ministres së Brendshme, Voda ka përfituar 1 mijë euro, një aparat telefonik celular dhe një arkë peshk nga dy persona, me qëllim punësimin e Florida Beut si specialiste në ministri.

LEXONI GJITHASHTU:

• Gjykata dënon ish-ministrin Tahiri me 3 vjet e 4 muaj burg
• Lefter Koka mbetet në burg
• VIDEO | Me pranga në duar, momentet kur Alqi Bllako del nga gjykata