Iu gjetën lëndë narkotike kokainë në makinë, arrestohen 2 persona në Tiranë

Gjatë një kontrolli policia e Tiranës ka arrestuar 2 persona të cilët mbanin në automjet 1 pako me lëndë narkotike kokainë. Sasia e kokainës është sekuestruar sëbashku me 2 aparate celularë dhe një automjet.

Të arrestuarit Gliard Gusholli 35 vjeç dhe Frenkli Permarkaj 24 vjeç, e posedonin lëndën narkotike me qëllim shitjen në doza të saj.

Njëri nga të arrestuarit kishte thyer gjithashtu masën e sigurisë “Arrest në shtëpi”.

Njoftimi i policisë:

Në rrugën “Naim Frashëri”, shërbimet e Policisë kanë ndaluar automjetin me drejtues shtetasin G. G. dhe pasagjer shtetasin F. P. Gjatë kontrollit të automjetit u gjet një pako me lëndë të dyshuar narkotike kokainë (me peshë 24 gramë), të cilën dyshohet se këta shtetas e posedonin me qëllim shitjen në doza.

Nga verifikimet e kryera për rastin rezultoi se shtetasi G. G. kishte thyer masën e sigurisë “Arrest në shtëpi”, caktuar nga Gjykata, për veprën penale “Dhuna në familje”.

Materialet procedurale i kaluan Prokurorisë, për veprime të metejshme.

LEXONI GJITHASHTU:

• Drogë, eksploziv dhe armë të ftohta, arrestohen 3 persona në Lushnjë, 1 i proceduar
• Në kërkim për vepra të ndryshme penale, arrestohen 2 vëllezër në Krujë