Iu vendos tritol në makinë, flet Ndreca: Ky sulm ka një emër

Bernard Ndreca, kreu i Rithemelimit në Vaun e Dejës, reagoi në një deklaratë për mediat rreth minës që solli shpërthimin e makinës së tij.

Ai tha se nuk ka konflikte personale me askënd dhe sulmi i bërë ndaj tij është për arsye politike, ndërsa i gjithë momenti i vënies së minës është i filmuar nga kamerat e sigurisë së shtëpisë.

“Ky është një incident i mirëorganizuar që më ndodhi mua dhe familjes sime. Unë nuk kam asnjë përplasje: as familja ime as farefisi dhe askush. Ky incident e ka një emër, dihet që emri është politik. Mua më është bërë si kryetar i degës së Partisë Demokratike.

Çdo gjë është e pasqyruar me pamje filmike, pasi shtëpia është me kamera. Në orën 6:30 të mëngjesit kam ndezur makinën; në momentin që ka lëvizur makina nga vendi atëherë ka plasur. Po e them edhe një herë: unë nuk kam asnjë lloj konflikti të hapur me asnjë. Kjo është përdorur politikisht. Nuk i është vendosur mina Benard Ndrecës, por i është vendosur mina kryetarit të Partisë Demokratike, Zef Hila. Kjo dihet hapur, se këta janë të mirëorganizuar për një sulm të tillë”, -tha Bernard Ndreca.

LEXONI GJITHASHTU:

• Shpërthimi me tritol, eksperti i sigurisë zbulon çfarë e shpëtoi mrekullisht Ndrecën
• I hodhën me tritol makinën, Ndreca: Nuk kam konflikte me njeri, ja ku dyshoj
• Tritol makinës së kreut të ‘Rithemelimit’ në Vaun e Dejës, Benard Ndreca