Izraeli vijon sulmet në Liban, humbin jetën 9 persona nga një familje

Një sulm ajror izraelit vrau një familje  prej nëntë personash të premten në Libanin jugor.

Agjencia Kombëtare e Lajmeve e Libanit raportoi se “një familje prej nëntë anëtarësh u martirizua në orën 3:00 të mëngjesit në një sulm ajror armik në një shtëpi trekatëshe në Shebaa”, një qytet në Libanin jugor, objektiv i sulmeve izraelite për disa ditë.

Natën, aeroplanët luftarakë izraelitë kryen një sulm ajror me rreze të gjerë, duke nisur një seri sulmesh ajrore intensive të fokusuara në qytetin Nabatieh.

Pas sulmeve vdekjeprurëse javën e kaluar duke përdorur pajisje wireless, Izraeli ka goditur Libanin që nga e hëna, duke vrarë të paktën 677 njerëz dhe duke plagosur mbi 2,500 të tjerë, sipas shifrave të publikuara nga Ministria libaneze e Shëndetësisë.

LEXONI GJITHASHTU:

• Këshilltari i Orbanit: Hungaria nuk do të luftonte për të zmbrapsur një pushtim rus
• Macron thirrje për armëpushim: Libani nuk mund të bëhet një “Gaza e re”