Ja pse duhet të bëni 10 minuta pushim pas çdo takimi, sqaron psikologia

Jeni të stresuar gjatë takimeve të njëpasnjëshme? Është e gjitha në kokën tuaj! Rritja e aktivitetit të trurit e lidhur me përpjekjet mendore ndodh sidomos kur kaloni disa minuta pushim nga një aktivitet në tjetrin. Studiuesit e Microsoft-it gjetën ndryshime në tru pas takimeve të njëpasnjëshme.

Njerëzit që duruan katër orë takime njëri pas tjetrit kanë një rritje të aktivitetit beta, i cili shoqërohet me nivele të larta të stresit. Kjo rezultoi në rraskapitje, mungesë fokusi dhe frikë nga takimi i ardhshëm. Studiuesit zbuluan se vetëm një pushim 10-minutësh është i mjaftueshëm për të rivendosur trurin. Hulumtimi i ri zbulon se stresi që ndjeni gjatë takimeve të njëpasnjëshme është i gjithi në kokën tuaj.

Psikologia Enida Përlala shpjegoi në emisionin “Good Morning Albanians” në Euronews Albania gjetjet e studimit, duke shpjeguar se duke marrë 10 minuta pushim midis takimeve të punës, rrisim aktivitetin dhe jemi shumë më të përqendruar. Sipas psikologes, duke u mbingarkuar s’do kemi fokusin e duhur në secilin takim.

“Biznesmenët do ta kishin më të vështirë ta pranonin këtë, duke qenë se e ndiejnë humbje nëse bëjnë një sasi të caktuara takimesh në ditë. Nëse largohemi nga zyra 5-10 minuta, efektiviteti i takimit të radhës do të jetë më i madh dhe kjo vërtetuar me anë të studimit. Numri i takimeve mund të ketë qenë më i ulët, por produktiviteti më i lartë”, shpjegoi psikologia.

LEXONI GJITHASHTU:

• Psikologia: Shqiptarët hezitojnë të tregojnë për problemet e shëndetit mendor
• Psikologia Bekteshi: Fëmijët në Shqipëri shfrytëzohen për punë