“Jam i burgosur politik”/ Salianji letër Europarlamentarëve: Çfarë kërkoj prej jush

Ish-deputeti i Partisë Demokratike, Ervin Salianji, i cili aktualisht po vuante dënimin për “kallëzim të rremë” në burgun e Fierit, i ka dërguar një letër ambasadorëve të BE në Shqipëri dhe eurodeputetëve që ndodhen këtë të martë në Tiranë në kuadër të takimit të 18-të të Komitetit të Stabilizim-Asociimit BE-Shqipëri.

Ne letër Salianji denoncon akuzat që e kanë çuar në burg, të cilat sipas tij janë të montuara politikisht

Ai kërkon mbështetjen e ndërkombëtarëve dhe ndërhyrjen e tyre për të mbrojtur demokracinë dhe drejtësinë në Shqipëri.

Salianji thekson në letër ‘si rast të pahasur më parë’ se trafiku ndërkombëtar i drogës bëri bashkë kaq shumë segmente të shtetit për ta dënuar atë me 1 vit burg për shkak se denoncoi një trafikant droge.

Deputeti opozitar rreshton të gjithë ndicjet e përfshirjes së kryeministrit dhe të tjerëve procesin kundër tij. Si dhe një kronikë të plotë të ngjarjes që çoi në dënimin e tij, duke renditur edhe provat shkencore që nuk u morën parasysh nga prokuroria dhe gjykata.

Nënkryetari i grupit parlamentar, në mbyllje të letrës e thekson si politik, procesin dhe dënimin, edhe për faktin se gjithçka ndodhi në prag të zgjedhjeve parlamentare, kur ai ishte caktuar si i deleguar politik i PD për qarkun e rëndësishëm të Elbasanit, dhe kur vinte pas dy rezultateve pozitive, një në qarkun e Korçës dhe nga një fitore në bashkinë e Kavajës.

Në mbyllje, Salianji u kërkon ambasadorëve dhe eurodeputetëve që të mos bëhen dëshmitarë të vendosjes së një regjimi të ri në Europë.

Bashkë me letrën përfaqësuesve të huaj u është dërguar edhe kronologjia e plotë e ‘dosjes Xhafaj’.

LEXONI GJITHASHTU:

• Mbrojtja e Salianjit tërhiqet nga kërkesa për shtyrjen e ekzekutimit të dënimit
• Kërkoi shtyrjen e ekzekutimit të dënimit, gjykata shqyrton kërkesën e Salianjit