“Jam vajza me flamur, krahët i shtriva si shqiponjë”, flet 11-vjeçarja me xhubletë

Franka Kukeli, adoleshentja imazhi i të cilës u shpërnda ditën e djeshme për të uruar ditën e pavarësisë, ishte këtë të mërkurë në “Good Morning Albanians” për të folur më tepër rreth fotos së shpërndarë.

Ajo tha se këtë fotot të sajën do  ta emërtonte “Vajza me flamur” dhe shtoi se e kishte zgjedhur si më të bukurën nga seti që kishte realizuar me veshjen popullore.

“Unë do doja t’i vija një emër fotos, do i vija emrin “Vajza me flamur” se më pëlqeu shumë si foto. Meqë festat ishin pranë atëherë unë dhe teta Suela vendosëm të bëjmë këtë foto të mrekullueshme me flamurin sipër.

Flamuri simbolizon kombin shqiptar, unë isha e ulur dhe duart i kisha pak a shumë si shqiponjë. Nga i gjithë setit fotografik, kjo ishte fotoja ime e preferuar. Ne e zgjodhëm se bashku”,-tha Franka.

LEXONI GJITHASHTU:

• Sot 29 Nëntori, dita e Çlirimit të Shqipërisë, politika feston e ndarë
• Artizania Sulaj: 1500 Euro kushton veshja tradicionale me pelerinën e Vlorës