“Janë gjetur gjurmë”, Dervishi për zhdukjet në Sarandë: S’është krim i përkryer

“Janë gjetur gjurmë në dy vendngjarje ku dyshohet se janë mbajtur Leonard Thodhori dhe Fatmir Sulovari alias Fatmir Krasniqi”, tha për emisionin “Review” gazetari Ferdinand Dervishi, duke shtuar se kjo gjë tregon se nuk është një krim të përkryer.

Ai tha se nuk mund të kemi një krim të përkryer pasi Saranda nuk njihet për kultivim kriminal, ndërkohë shtoi se krim i përkryer është ai i Ervis Martinaj, që nuk është lënë asnjë gjurmë pas.

“Në Sarandë nuk mund të kemi një krim të përkryer, sepse nuk njihet Saranda dhe grupet e Sarandës për një kultivim kriminal. Siç po shihet në këtë histori të zhdukjes nuk kemi një krim të përkryer.

Kemi dy vendngjarje që janë zbuluar nga policia, ku janë mbajtur viktimat, në të dyja janë gjetur gjurmë, dyshohet se janë gjetur gjurmë, të cilat po krahasohen. Pra nuk është një krim i përkryer, krim i përkryer është ai i Ervis Martinaj ku nuk ke asgjë”,-tha Ferdinand Dervishi.

LEXONI GJITHASHTU:

• “Familjarët dinë më shumë”- Gazetari për zhdukjet në Sarandë: Pista më e besueshme
• Ferdinand Dervishi: Ngjarja e Sarandës ka lidhje me drogën, jo vetëm me pronat