Janjiç: Përdorimi i mercenarëve nga Serbia në Banjskë, e rrezikshme

Analisti serb, Dushan Janjiç, është shprehur se përdorimi i mercenarëve si në rastin e sulmit në Banjskë është diçka e rrezikshme.

Komentet Janjiç i bëri në një lidhje për Euronews Albania, ku tha se është shumë e thjeshtë që politika si në Serbi, ashtu edhe në Kosovë të mobilizojë njerëzit për luftë, por sipas tij, duhen marrë parasysh pasojat.

Ai tha periudha e qeverisjes së Millosheviçit ka qenë e prirur nga shtypja dhe përjashtimi i shqiptarëve nga institucionet dhe kjo sipas tij ka qenë një nga arsyet që NATO ndërhyri në Serbi.

Ai tha se duhet të nxjerrim mësim nga bombardimet e NATO-s në vitin 1999 në Beograd.

“Nëse e krahasojmë atë me diçka të ngjashme në histori, ajo do të përputhet me kohën e Hitlerit dhe nismat që ai ndërrmerrte. Përdorimi i mercenarëve është diçka e rrezikshme. Njësoj si grupet që u përdorën në Banjskë.

Vuçeviç po bashkëpunon me këto grupe. Banjska ishte një test jo vetëm për Serbinë, por edhe për SHBA, për të treguar kapacitetet e Amerikës për të marrë nën kontroll këtë pjesë të Ballkanit Perëndomor.

Kjo lloj qasjeje do të jetë kundër NATO por nuk do sjellë asgjë për Serbinë. Unë e njoh situatën dhe nëse do i referoheshim mesit të viteve 80 në Kosovë, të gjitha periudhat e qeverisjes së Millosheviç, ishte e prirur nga shtypja, nga përjashtimi i shqiptarëve nga institucionet. Prandaj edhe NATO ndërhyri ushtarakisht në 1999.

Kur patëm një përplasje mes grupeve serbe të mercenarëve dhe UÇK në ato vite. Përkufizimi i duhur i asaj që ndodhi në Kosovë, është ai i një lufte civile dhe NATO ndërhyri për ta ndalur këtë luftë, nga e cila duhet të nxirren mësime. Për politikën nuk kushton asgjë të mobilizojnë njerëzit”, tha Janjiç.

LEXONI GJITHASHTU:

• Sulmi në Banjskë, DASH: Radoiçiçi është kriminel që duhet të mbahet përgjegjës
• KFOR ekzaminon raketahedhësit e gjetur nga Policia e Kosovës në Banjskë