Teologu Thoma Çomeni, ishte i ftuar në Euronews Albania teksa ka folur për kryepeshkopin Anastas Janullatos i cili ndërroi jetë 3 ditë më parë në Athinë.
Teologu u ndal në dy detaje të rëndësishme sa i përket konceptit personal që ka pasur Janullatos.
“E mundi apo nuk mundi vdekjen? Këtu ndalem në konceptin spiritual të kryepeshkopit Janullatos. Ai e besonte në ringjallje.
Detaji tjetër ka të bëjë me konceptin e ngjalljes të frymëzimit të besimtarëve. Ai gjithmonë u thoshte besimtarëve të mos mërziten për problematika të ndryshme. Ai kishte një shprehje: “Aty ku është kryqi, aty është dhe ngjallja”. Kryqin e merrte si simbol të vuajtjes të gërshetuar me idenë e triumfit.
Katedralja e Tiranës dhe ajo e Gjirokastrës ka një formë të rrumbullakët, ishte një traditë e humbur kjo. Kryepeshkopi e risolli këtë. Si një udhëheqës i mirë, ai zbuloi çfarë ka mbetur nga pasuritë e vendit, për ti zhvilluar dhe çuar përpara ato”, tha Thoma Çomeni.
LEXONI GJITHASHTU:
- “Si e kam njohur unë Janullatosin”, gazetari Fundo: Nuk ka klerik të dytë si ai
- Homazhet për kryepeshkopin Anastas, personalitetet që do marrin pjesë