“Je i rrethuar!” Topalli: Safet Bajri ra në grackën e policisë, Dobraçi u blindua

Gazetarja Aida Topalli ishte këtë të shtunë e ftuar në Euronews Albania ku ka folur për arrestimin e Safet Bajrit, i akuzuar për vrasjen e xhaxhait të rivalit të tij Ibrahim Lici.

Sipas gazetares, Bajri nuk ka bërë rezistencë ndaj forcave të policisë të cilat kishin rrethuar banesën e tij dhe Dobraçin, por atij i është thënë se duhet të paraqitet në drejtorinë vendore të policisë për të dhënë një mostër ADN-je.

“Policia e Shkodrës në bashkëpunim me drejtorinë e përgjithshme të policisë së shtetit, kanë organizuar një operacion për rrethimin e banesës së Safet Bajrit dhe për lagjen Dobraç. Pas kësaj punonjësi i policisë së zonës, ka shkuar në banesën e Safet Bajrit dhe i ka dërguar një fletë-thirrje nga drejtoria vendore e policisë Shkodër për tu paraqitur për të dhënë një profil ADN-je.

Nuk ka pasur asnjë kundërshtim nga ana e Safet Bajrit. Ai ka thënë “sapo të marr një xhup dhe do të vi”. Kjo mund të ketë qenë një grackë e ngritur nga ana e policisë, që shpesh me persona që kanë një rrezikshmëri të caktuar përdorin metoda të tilla. Safet Bajrit i është thënë se ai duhet të paraqitet në drejtori sepse është i rrethuar dhe me dëshirë apo me forcë kjo do të ndodhte. Kur flasim për rrethime, flasim për operacione ku marrin pjesë shumë forca. Ka patur një rrethim të Dobraçit”,-tha Topalli.

LEXONI GJITHASHTU:

• “Bajri ra në kurth”, gazetari: Shkoi vetë në polici, nuk e dinte për urdhër-arrestin
• SPAK njoftim zyrtar për arrestimin e Safet Bajrit, urdhërarrest për Astmer Bilalin