“Jemi në kushte agresioni”, Artur Meçollari shpjegon pse Izraeli shpalli luftë

Artur Meçollari shpjegoi në emisionin “Review” në Euronews Albania arsyen se përse kryeministri i Izraelit, pas sulmit të bërë nga militantët palestinezë të Hamasit, shpalli gjendjen e luftës.

Ish- komandanti i Forcave Detare, Meçollari shpjegoi se gjendja e luftës është një veprim juridik që ndërmerret në raste agresioni, ku të gjitha resurset shk0ojnë për mbrojtjen e vendit, ndaj për këtë arsye edhe kryeministri i Izraelit shpalli gjendjen e luftës.

“Në bazë të rezolutës 13:34 të asamblesë së përgjithshme të kombeve të bashkuara jemi në kushtet e agresionit. Pra definicioni është agresion dhe në këto kushte shteti i sulmuar gëzon të drejtën e vetëmbrojtjes, që në këtë rast nënkupton luftë.

Kjo është arsyeja që kryeministri Izraelit shpalli luftën, sepse jemi në kushtet e agresionit. Shpallja e luftës është një gjendje juridike, ku e gjithë industria, të gjitha resurset shkojnë për mbrojtjen e vendit. Kjo është arsyeja se përse kryeministri shpalli gjendjen e luftës”,-tha Artur Meçollari.

LEXONI GJITHASHTU:

• “Hamasi theu kupolën e hekurt”, eksperti: Armatimi mund t’u jetë dhënë nga Irani
• Një polic në Egjipt vret dy turistë izraelitë