“Jeni bedelët e atij që i mbaron mbiemri me ‘viç’”, Spaho përplaset me Felajn

Seanca e së enjtes në Kuvendin e Shqipërisë ka nisur me debate dhe tone të ashpra mes përfaqësuesve të mazhorancës dhe opozitës.

Deputeti i Partisë Demokratike, Edmond Spaho kritikoi ashpër drejtuesen e seancës, që sipas tij po u mohon të drejtën e fjalës përfaqësuesve të opozitës.

Sipas Spahos, qëllimi i mazhorancës është që të mos lejojë zërin e opozitës në Kuvend.

“Të më fusni në listë se dua të flas për çështjen e integrimit evropian, që është e lidhur me edhe korrupsioni tuja, edhe për pasaportat e arta. E di që nuk jam në listë se ju jeni bedelët e atij që do ulet në karrigen e mesit. Jeni pa din, pa iman, jeni bedelët e atij që i mbaron mbiemri me ‘viç’ nga Serbia. Qëllimi juaj është të mos na lejoni të flasim. Jeni bërë turpi i qytetarit shqiptar, e keni përdhosur këtë parlament”, tha Spaho.

Nga ana e saj Felaj i bëri me dije deputetit demokrat se është i përfshirë në mocionin me debat për integrimin evropian, bashkë me deputetët e tjerë të PD.

LEXONI GJITHASHTU:

• Berisha apo Alibeaj? Kë mbështet Dashamir Shehi?
• Tensione në Kuvend| Garda pas Berishës, Felaj ndërpret seancën