Në diskutimet që kanë shoqëruar partitë e reja politike mbrëmjen e kësaj të marte, ka vijuar debati për reformën në drejtësi.
Florian Pullazi, kandidat për deputet i PS, sjell në vëmendje reformën në drejtësi që sipas tij, është arritur falë Partisë Socialiste.
“Të flasim për reformën në drejtësi sepse është PS ajo e cila sollë këtë reformë. Një nga kriteret kyç për BE-në ishte kjo. Ne si PS mbështesim maksimalisht SPAK-un”, tha Pullazi.
Nga ana tjetër, Besart Xhaferri ndërhyn duke iu drejtuar depuetit të PS që mbështetja e këtyre të fundit ndaj drejtësisë ka ardhur e shoqëruar me kërcënime ndaj prokurorëve dhe gjyqtarëve., gjë të cilën Pullazi e kundërshton.
“Jeni hipokritë, jo ju personalisht, por ju si parti. Qëndroni në një linjë ose pro ose kundër, por jo në këtë formë që jeni dhe pro drejtësisë, dhe nga ana tjetër godisni makinën e prokurorit”, shtoi kandidati për deputet i PD-së në Tiranë, Besart Xhaferri.
LEXONI GJITHASHTU:
- “Me 8 miliard euro në vit mundet dhe Trumpi”, kandidatët e PD dhe PS debat mes tyre
- “E bletë partinë pasi humbët vulën”, Kapri përplaset ashpër me Jupin