Jep dorëheqjen Drejtori i Përgjithshëm i Burgjeve, Admir Abrija

Admir Abrija, ka dhënë dorëheqejn nga posti si Drejtorit të Përgjithshëm të Burgjeve. Ai ishte në krye të këtij institucioni që prej dhjetorit të vitit 2021. Mësohet se Abitja, i ka paraqitur largimin nga detyra ministrit Ulsi Manja.

Ai u zgjodh në këtë post me propozim të ministrit të Drejtësisë Ulsi Manja pas lirimit nga detyra të Agim Ismailit.

Pas ngjarjes në burgun e Peqinit, shpesherë është përfolur largimi i tij. Postet që Admir Abrija, ka pasur kanë qënë të rëndësishme duke nisur nga Garda e Republikës, te Dogana e deri si Prefekt i Tiranës.

Ka punuar si Shef Sigurie në Presidencë, në kohën kur ky institucion drejtohej nga Bamir Topi. Ai ka shërbyer edhe në radhët e policisë, ku ka mbajtur edhe postin e drejtuesit, mes të cilave edhe në Drejtorinë e Kufirit në Gjirokastër. Ai më pas është emeruar zëvendësdrejtor i Përgjithshëm i Doganave, ku kishte nën varësi sektorin e antikorrupsionit dhe hetimit. Pas këtij posti, ai do të emërohej si Prefekt i Tiranës, dhe më pas te Drejtoria e Burgjeve.

• Rama në Bruksel 1 ditë para vizitës së Blinken, takon Michel dhe Von der Leyen
• U kap duke transportuar 27 kg kanabis, arrestohet 28-vjeçari në Elbasan