‘Jo drithërave ruse’/ 5 vende të BE, kërkesë KE: Të ndalet importi, financon luftën

Republika Çeke, Lituania, Estonia, Letonia dhe Polonia i kanë kërkuar Komisionit Evropian që të hartojë akte të reja legjislative, që ndalojnë importin në BE të drithërave që vijnë nga Rusia.

Lajmin e bëjnë të ditur mediat evropiane, të cilat i referohen një letre të dërguar nga vendet në fjalë ekzekutivit të Bashkimit Evropian.

“Është me rëndësi të kujtojmë se përfitimet nga ky eksport i shërbejnë vetëm financimit të agresionit ndaj Ukrainës dhe ngarkesat mund të përmbajnë drithëra të vjedhura nga territoret e pushtuara”, thuhet në letër.

Për më tepër, vijon dokumenti, drithërat ruse vënë nën presion tregun e brendshëm evropian dhe konkurrojnë në mënyrë direkte me bujqit e kontinentit të vjetër.

Kërkesa e Republikës Çeke, Polonisë dhe tre vendeve baltike vjen në një kohë kur fermerët evropianë, kryesisht ata polakë, vazhdojnë protestat kundër importit pa tarifa të grurit ukrainas.

LEXONI GJITHASHTU:

• Institucioni Financiar NOA mbështet konferencën me tematikë: “E ardhmja e FinTech”
• Protestë në Fier, linja 400 kw prek tokat, fermerët kërkojnë rivlerësim