Juristi thirrje Celibashit: Berisha është kreu i PD, regjistrojeni në zgjedhje

Përfaqësuesi ligjor i grupimit të Sali Berishës në Partinë Demokratike, Ledio Nurja i ka kërkuar Komisionerit Shtetëror për Zgjedhjet, Ilirjan Celibashi, që të regjistrojë ish-kryeministrin në zgjedhjet e 14 majit.

Nurja u shpreh se Berisha është kryetari i Partisë Demokratike dhe është zgjedhur me votën e anëtarësisë.

“Komisioneri mund të marrë vendim të pavarur duke u bazuar edhe në fakte të njohura botërisht. Faktet e njohura borërisht janë që në PD kanë ndodhur procese ndryshimi, të ardhura sipas vullnetit tëz gjedhësve të tij.

Dihet që prej një viti, PD ka kryetar zotin Sali Berisha, ka organet e saj drejtuese, zhvillon jetën e saj politike në përputhje me të gjitha aktet ligjore dhe nënligjore që normojnë jetën politike të një vendi”, theksoi ai.

LEXONI GJITHASHTU

• Regjistrimi i PD | Sefa-Celibashit: Dy kërkesat të shqyrtohen të ndara
• Ngërçi në PD, ekspertja: Demokratët mund të futen në zgjedhje në dy koalicione
• Zbulohet koalicioni i Berishës, cilat janë partitë që do t’i bashkohen