Në emisionin Review në Euronews Albania, u analizuan këtë të shtunë ndryshimet në ligjin për Zonat e Mbrojtura.
E ftuar në studio, juristja Brikena Kasmi, u ndal dhe te shpronësimet që bëhen nga shteti. Ajo tha se pronarëve të cilëve u merret prona për investime strategjike, ose publike, u vlerësohet 20 herë më pak se vlera në treg. Ajo tha se një pronë që kushton 1 milion euro, mund t’iu merret qytetarëve nga shteti për 5 milionë lekë të reja.
Gjithashtu ajo shtoi se personat të cilët duan ta regjistrojnë një pronë si Zonë të Mbrojtur, me ligjin e ri, ata rrezikojnë ta humbasim, pasi mund të tjetërsohet dhe të kalojë në duart e një investitori tjetër.
“Vlera e tokave të shpronësuara është përkeqësuar me 20 herë nga vlera e tregut. Përfundimisht atyre personave që u ka rënë halli për t’iu shpronësuar toka e kanë të humbur. Edhe nëse e kanë blerë atë tokë me 500 mijë euro, apo 1 milion euro, dhe këtë e kam me shembuj konkretë, shteti ua shpronëson me 4 milionë ose 5 milionë lekë të reja. Kjo do të thotë se këtu ka një kapërcim të qëllimit që ka Ligji për Zonat e Mbrojtura. Tani me këtë ligj, ti e dekurajon privatin pasi ai humbet dhe zonën e mbrojtur dhe pronën. Pra nga duart e veta që të jetë i kujdeshëm pasi ndaj bën kërkesën për të kthyer pronën në Zonë të Mbrojtur, e kalon në duart e një personi tjetër”, tha juristja.
LEXONI GJITHASHTU:
- Ishulli i bunkerëve dhe tuneleve, sa lekë do “blihet” Sazani
- Ligji për Zonat e Mbrojtura, inxhinieri: Mjafton 1 shkrepse me vete dhe ndërton kudo
- Investimet strategjike, Çaushaj: Po ndahen asetet kombëtare! A përfitojnë qytetarët?
