Juventus me një “këmbë” në finale, bardhezinjtë mposhtën Lazion 2-0

Juventusi nuk ka zhgënjyer në gjysmëfinalen e parë të kupës, duke konfirmuar kandidaturën serioze për fitimin e trofeut. Bardhezinjtë u ndeshën të martën me Lazion, ekip të cilin e mposhtën në shifrat 2-0.

Një ndeshje thuajse e balancuar sa i përket rasteve, me torinezët që u treguan më të saktë në fraksionin e dytë, pasi pjesa e parë u mbyll me rrjeta të paprekura. Chiesa në minutën e 50 dhe Vlahovic në të 64-ën ishin autorët e golave, duke bërë që Juventusi ta shohë veten thuajse në finale, edhe pse mbetet për tu parë ndeshja e kthimit në Olimpico.

Mbrëmjen e kësaj të mërkure luhet dhe gjysmëfinalja tjetër, ajo mes Fiorentinës dhe Atalantës. Në Artemio Franchi të dyja skuadrat shihen si të barabarta, ndërsa kujtojmë se në kampionat, ekipi violë triumfoi 3-2.

Forma që po kalojnë secila në kampionat nuk është edhe aq pozitive, me bergamaskët që edhe pse renditen në vendin e gjashtë, kanë vetëm 1 fitore në 5 javët e fundit. Në anën tjetër, Fiorentina ka 1 fitore, 3 barazime dhe 1 humbje. Organika në të dyja kampet është e plotë, ndërsa gjithçka tanimë i takon fushës së lojës.

LEXONI GJITHASHTU:

• Gjysmëfinalja e kupës së Italisë, Lazio sfidon Juventusin
• Juventus në gjurmët e Mitaj, 20-vjeçari krahasohet me Kim Min Jae për potencialin