“Ka qenë mendja djallëzore”, gazetari: Pse gruaja e Pëllumb Metës s’i shpëton burgut

Vrasja e 50-vjeçarit Pëllumb Meta në fshatin Shënavlash të Durrësit është e mbushur plot mister, pasi fëmijët e familjes Meta kanë dhënë dëshmi kontradiktore në Polici, gjë që po pengon zbardhjen e këtij rasti.

Në fillim e mori përsipër vajza, pastaj djali i madh Hyseni dhe ditën e djeshme i pyetur në gjykatë ai e mohoi fajin dhe vrasjen e mori përsëri përsipër vajza.

Deri më tani të gjitha provat rëndojnë mbi fëmijët dhe nuk ka fakte të vërtetuara që kryefamiljari ka ushtruar dhunë sistematike ndaj tyre, ndonëse e gjithë familja e pretendon këtë gjë.

Gazetari Eraldo Harlicaj tha në emisionin GoodMorning Albanians në Euronews Albania se “mendja djallëzore” pas këtij krimi, edhe nëse nuk e ka kryer me dorën e vet, është nëna e fëmijëve.

Sipas tij Blerina Meta, bashkëshortja e Pëllumb Metës nuk ka për t’i shpëtuar burgut.

“Personalisht nuk mendoj se do i shpëtojë burgut se ka qenë gjithë kohës prezente në atë shtëpi, nuk ka qenë në momentin e krimit, por ka qenë pjesëmarrëse në fshehjen e kufomës. Mendimi im personal është që ka qenë mendja djallëzore e kësaj historie dhe mendoj se do shkojë pas hekurave”, tha gazetari.

LEXONI GJITHASHTU:

• Flet avokatja e 19-vjeçares Meta: Dëshmitë kontradiktore, do ketë hetime shtesë
• A abuzoi seksualisht Pëllumb Meta me vajzën e tij? Ja pse ka dyshime…