“Ka shumë burra me 2 apo 3 gra, nuk e di si do i zbulojë policia”-gazetari Harlicaj

Bigamia nuk do të konsiderohet më vetëm si problem moral, por pas pak kohësh kush mban më shumë se një partner mund të përfundojë edhe në burg.

Në ndryshimet e reja që pritet të bëhen në Kodin e Penal, parashikohet që bigamia të konsiderohet si vepër penale e cila mund të dënohet deri në 3 vite burg.

Gazetari Eraldo Harlicaj, në një intervistë për emisionin ‘Good Morning Albanians’ në Euronews Albania, theksoi se ligji është për nuk e dimë se si do të zbatohet.

Mes të tjerash ai shtoi se ka burra që kanë dy ose tre gra dhe nuk dihet nëse këto mund  t’i zbulojë policia.

“Ligji është por nuk dihet si do të zbatohet. A kemi ne kapacitetet që policia të arrijë të gjurmojë personat që bashkëjetojnë me gra të tjera, apo thjesht do mjaftohemi me ndryshim ligjor. Nëse do ishte ligji do e prekte dhe Dervish Hasi që kishte tre gra”-tha ai.

LEXONI GJITHASHTU: 

• Zjarret masive në Kili, shkon në 112 numri i viktimave
• “Kujdes kur tradhtoni”- Avokatja: Policia do hetojë edhe lidhjet jashtë Shqipërisë