Kaceli: Berlusconin e takova disa herë, komunizmin në Shqipëri e cilësoi ‘kancer’

Keda Kaceli, anëtare e Departamentit të Kulturës dhe Trashëgimisë Kulturore në Partinë Demokratike si dhe Koordinatore e saj me Partitë italiane të qendrës së djathtë siç është Forza Itali, ka reaguar në lidhje me vdekjen e ish-kryeministrit italian Silvio Berlusconi.

Në një intervistë për Euronews Albania, ajo theksoi se Berlusconin e njihte prej shumë vitesh dhe e ka takuar disa herë.

Ajo shpjegoi se Berlusconi shkroi një parathënie për librin e At Zef Pllumit ndërsa tregoi se komunizmin në Shqipëri e ka cilësuar si një kancer.

“Unë e kam njohur para shumë vitesh Berlusconin dhe e kam takuar dhjetëra herë dhe ajo që më bën të priviligjuar është bashkëpunimi me të për librin e at Zef Pllumin. Ai e përqafoi atë idenë për të shkruar një parathënie. Pas 8 muajsh më tha se unë jam tronditur shumë për ato që kam lexuar. Berlusconi e cilësoi komunizmin shqiptar si një sëmundje, e një kancer që duhej shëruar nga trupi i popullit shqiptar. Nuk ishte e vështirë ta bindja. U desh tre katër vite që të prisja qe Berlusconi të shkruante faqet që doja për librin”- tha ajo.

LEXONI GJITHASHTU: 

• 14 maji| Berisha: Batërdi elektorale. Protesta, për të rikthyer votën
• 53 vite më e re, kush ishte gruaja e fundit e Silvio Berlusconit