Kadilli akuzon Bardhin: Po ndjek karrierën politike për interesa personale

Ish-deputeti Fatbardh Kadilli akuzoi Gazment Bardhin në një intervistë për Euronews Albania, duke thënë se ky i fundit nuk po vepron në interes të Partisë Demokratike.

Sipas tij, rasti i Bardhit është rasti kur po ndiqet karriera politike për interesa personale.

“Për fat të keq, zor se mund ta quaja fraksion, por për fat të keq ai grup është duke ndjekur llogaritë e karrierës politike, nuk është duke prodhuar politikë. Fakti që ata po lëvizin drejt Berishës, nuk është se ata shkuan drejt Berishës duke mbajtur të njëjtat qëndrime që kishin para 6 muajsh, 1 viti apo 2 vjetësh, por shkuan duke ndërruar qëndrimet e tyre,” – u shpreh Kadilli.

Ndër të tjera, ish-deputeti shtoi se “mea culpa” e Lulzim Bashës nuk mjafton.

Ai u tregua i ashpër me kreun e Partisë Demokratike duke sjellë në vëmendje se Basha duhet të lejojë edhe mendimet  ndryshe dhe t’i japë hapësirë kundërshtarëve.

LEXONI GJITHASHTU:

• Grupi i Bardhit drejt bashkimit me Berishën? Gazetari zbulon prapaskenat
• Basha i mori kompetencat e kreut të grupit, reagon Gazment Bardhi