Kandidati për kryetar i Partisë Demokratike, Fatbardh Kadilli komentoi opinionet e disa analistëve që thoshin se Yuri Kim ka dalë jashtë detyrave të saj në Shqipëri dhe kur të kthehet në Amerikë do të ngelë pa punë.
Sipas tij, Kim e cila tashmë është konfirmuar në një pozicion të rëndësishëm në Departamentin Amerikan të Shtetit ka ndjekur linjën politike të SHBA dhe ka interpretuar, pa rëndësi mirë apo keq, të gjithë urdhrat që i janë dhënë.
“Ky provincializëm duhet të marrë fund, sidomos te Partia Demokratike. Nuk është fare profesionale në raport me ndërkombëtarët. Gjithë opozita shqiptare mendon se ja ka bërë me hile ambasada. Gjithë opozita shqiptare nuk kupton dhe një gjë më të rëndë akoma. Kujton se shqiptarët kanë gabuar në 2013-tën dhe janë bërë pishman dhe jua vjedh Edi Rama. Një parti që gëlltit gënjeshtrat që prodhon vet ka vdekur, një politikan që gëlltit gënjeshtrën që prodhon vet ka vdekur,” – u shpreh Kadilli.
LEXONI GJITHASHTU:
- Borrell organizon takim krize mes Kosovës dhe Serbisë javën e ardhshme
- I shpallur në kërkim për vrasjen e babë e bir në Elbasan, ekstradohet 44-vjeçari
