Kallëzim anonim në SPAK, si ra në pranga gjyqtarja e Elbasanit

Euronews Albania siguron dosjen si përfundoi e arrestuar për korrupsion gjyqtarja e Elbasanit, Zamira Vyshka.

Gjithçka nisi nga një kallëzim i mbërritur në SPAK nga një person anonim, ku ngrihej shqetësimi për punën e gjyqtares në lidhje me dosjen për të arrestuarin Xhuljo Musai.

Pas marrjes së tij denoncimi anonim, menjëherë Prokuroria e Posaçme nisi hetimi.

“Dua të jap informacion për gjyqtaren famëkeqe të Gjykatës së Elbasanit, Zamira Vyshka. Kjo gjyqtare, si një ndër më të korruptuarat, nuk ndalet as nga frika e SPAK apo institucioneve të tjera që veprojnë në vend. Ajo është duke kryer një aferrë korrupstive me një dosje që ka aktualisht në dorë. Bëhet fjalë për çështjen e dërgimit në gjyq për të pandehurin Xhuljo Musa, i akuzuar për plagosje të rëndë me dashje dhe ndodhet i arrestuar në paraburgimin e Elbasanit”, thuhet në kallëzimin anonim.

Sakaq në dosje nënvizohet se gjyqtarja kishte rënë dakord për të marrë 5 mijë euro për të liruar Musain.

Kanë qenë familjarët, ata që kanë tentuar të korruptojnë gjyqtaren Zamira Vyshka, nëpërmjet avokatit të tyre mbrojtës Ilir Pashaj.

Pas hetimeve Zamira Vyshka, bashkë me avokatin janë arrestuar për korrupsion.

• Gjyqtarja Vyshka kërkoi më shumë para për lirimin e Musait, si u pikas
• SPAK operacion blic në Elbasan, arrestohet gjyqtarja dhe avokati