“Kam marr pjesë në çdo protestë”, flet djali në marshimin e 8 Marsit

Gazetarja e Euronews Albania, Sara Demushi ishte e pranishme në protestën e kryeqytetit më 8 Mars.

Një grup njerëzish marshuan në kuadër të të drejtave të grave dhe barazisë gjinore nga sheshi “Nënë Tereza” drejt sheshit “Skënderbej”.

“E nevrikosur deri në vezore”, “Nuk është krim pasioni, por femicid” apo “I duam gratë e gjalla” ishin disa nga posterat që mbanin në dorë protestuesit.

Demushi raportoi se në protestë ka djem dhe burra gjithashtu. Një prej tyre tha për Euronews Albania se ka dalë të protestojë me moton “Stop dhunës”.

“E pash në rrjete sociale, kam marrë pjesë në çdo protestë. Shoh që institucionet nuk marrin përgjegjësi fare dhe kjo është një gjë që duhet të vihet në alert,” – u shpreh djali.

“Gratë të jetojnë me të drejta të barabarta, të menaxhojnë situatat e dhunës, të gjendet drejtësi, nuk është gjetur drejtësi për shumë prej grave, kriminelët serialë lihen të lirë përpara kohës për sjellje të mirë. Nuk e di kush është sjellje e mirë kur je kriminel serial,” – u shpreh një qytetare, pjesë e protestës.

Sipas saj problemi është te qeveria dhe organet e drejtësisë.

LEXONI GJITHASHTU:

• VIDEO| “Marshojmë, s’festojmë”, protestë më 8 mars edhe për kenianen
• Rama uron 8 Marsin: Do mbështesim nënat e papuna me 3 ose më shumë fëmijë