‘Kam rënë në një paqe krijuese’, shkrimtari Tufa tregon detaje nga libri i ri

Shkrimtari Agron Tufa bashkë me gruan e tij, Elvana Zaimi treguan për Euronews Albania projektet e reja letrare, pas zhvendosjes së tyre në Zvicër.

Tufa u shpreh se së shpejti do të nxjerrë edhe një libër të ri, ku në të janë të përfshira 5 romane bashkë.

“Unë në këtë vit kam një roman, që janë 5 romane në një. Kam përshtypjen se është puna kryesore e këtij 10-vjeçari. Është një roman që pata mundësinë ta mbyll në mërgim”, u shpreh ai, teksa shtoi se poezi shkruan më pak, pasi është fokusuar tek proza.

Ai tregoi se nuk i përdor rrjetet sociale, pasi u acarua nga situatat që ndodhnin aty, replikat dhe debatet për çështje të ndryshme.

“Marrëdhëniet me disa nga miqtë e ngushtë i ruaj sigurisht, kryesisht me telefon. Unë vendosa të heqë të gjitha rrjetet sociale nga përdorimi, për t’u përqendruar në një punë të pandërprerë, por edhe nga acarimi. Facebook e kam përdorur edhe për nervin tim social. U bë diçka e pakapërdishme”, tha ai, teksa nënvizoi se ka rënë në një paqe krijuese.

Ai përshkroi edhe përditshmërinë e tij, ku tha se është përqendruar më shumë tek leximi, shkrimi dhe familja.

LEXONI GJITHASHTU:

• Debati për arkivat e UÇK, nënkryetarja e PDK: Serbia ka futur në grackë delegacionin e Kosovës
• Ekskluzive/ Kryetari i PDK Memli Krasniqi: Albin Kurti, show me dialogun