Kamioni me ushqime në Has, gazetari skanon ngjarjen: E pastër për blerje votash

Gazetari Eni Ferhati i ftuar në emisionin “Now” në Euronews Albania tha se fugoni i kapur në Has me kuti ndihmash për familjet e varfëra mund të jetë një tentativë e pastër për të vlerë vota.

Megjithatë gazetari tha se do të jetë prokuroria ajo që do ngrejë një akuzë konkrete ndaj kësaj ngjarje.

“Ka qenë një prej djemve që është ndaluar, sipas njoftimit zyrtar të policisë i cili ka ardhur shumë vonë ditën e sotme, është ndaluar dhe është pyetur edhe një magazinier i bashkisë sipas njoftimit zyrtar të policisë i cili ka bërë ngarkimin e fugonit, me 21 pako, me mbishkrimin rezervat e shtetit ku brenda tyre kishte ushqime të ndryshme, miell sheqer.

Janë pako që e përdorën për familjet në nevojë. Ajo që unë pash me shqetësim, është që policia e Hasit, e cila ka kryer veprimet e para procedurale, nuk ka arritur të ketë një akuzë apo dyshim konkret dhe materialet ia kaloi për vlerësim Prokurorisë së rrethit.

Ku do jetë Prokuroria që do vendosë se çfarë akuze do ngrejë, pra jemi para faktit që këto materiale do përdoren për të blerë vota apo jemi në kushtet e shpërdorimit të detyrës. Nisur nga interpretimi që ka bërë kandidati i “Bashkë fitojmë”, është një tentativë e pastër për të blerë vota duke shfrytëzuar familjet e varfëra”,-tha gazetari Eni Ferhati.

LEXONI GJITHASHTU:

• Bushati: Në PS mbjellim pemë, Berishës i doli edhe Luli zarzavat!
• Balliu zbulon sherrin brenda PS: Rama më shumë para i jep Enkelejdit se Veliajt
• Marshi i të gjallëve, përkujtohen 6 milionë hebrenj viktima të Holokaustit