Kampionati anglez nis të premten, Liverpool sfidohet nga Bournemouth

Kampionët në fuqi të Premier Leagues angleze nisin kampionatin të premten, ndërsa do të synojnë të mbrojnë titullin, por kjo gjë do të jetë mjaft e vështirë për shkak të konkurrencës. Kështu ka deklaruar trajner holandez Arne Slot.

“Ka kaq shumë konkurrentë që mund ta fitojnë ligën këtu. Ta fitosh një herë është tashmë shumë e veçantë, e lëre më nëse mund të fitosh dy herë në pesë vjet si ne ose si Manchester City, i cili bëri edhe më mirë. Është e pabesueshme nëse je në gjendje ta bësh këtë në këtë ligë. Ndoshta këtë vit do të jetë më e vështirë se çdo vit më parë, sepse çdo ekip sjell lojtarë të rinj, por edhe konkurrentët tanë kryesorë padyshim që e bënë këtë”, tha Slot.

Rrugëtimi për të kuqtë nis nga Bournemouth në “Anfield”, një skuadër që di se si të shkaktojë probleme.

“Po fillojmë me Bournemouth, i cili sezonin e kaluar ishte ndoshta ekipi më intensiv në ligë… ata gjithashtu sollën disa lojtarë të rinj të mirë, siç kanë treguar se mund ta bëjnë në vitet e fundit. Një ekip shumë i mirë me një menaxher shumë të mirë dhe një sfidë për ne të premten. Ne mezi presim sepse të luajmë një ndeshje mbrëmjeje në Anfield është diçka që të gjithë mezi presin”, deklaroi në konferencë tekniku.

Liverpool është kampioni në fuqi i Anglisë, titull të cilin e fitoi me një diferencë prej 10 pikësh nga vendi i dytë.

LEXONI GJITHASHTU:

• Kampionati Evropian për femra, Anglia finalistja e parë
• Gjermania dhe Anglia do të përballen në finalen e Kampionatit Evropian U21