Kandidatja e PD për Vaun e Dejës: Gaz Bardhi më bëri presion të dal nga gara

Kandidatja e Partisë Demokratike për Vaun e Dejës, Klomentina Drini tregoi në “Now me Erla Mëhillin” raportet e saj me Gazment Bardhin, për të cilin u shpreh me rezerva.

Ajo tha se shpresoj që zgjedhjet të bëhen transparente, ndërsa i dërgoi një mesazh këtij të fundit duke i thënë se interesat personale nuk do të dalin në Vaun e Dejës.

“Kur shoh Gaz Bardhin që vjen e thotë jam me Partinë Demokratike, por mbështes kandidatin e koalicionit Bashkë Fitojmë. Jo absolutisht që s’më ka mbështetur. Ai ka qenë personi që mua më ka kërkuar të tërhiqem nga gara.

Gazmend Bardhi ka qenë kryesori që na la pa përfaqësim në Bashki dhe ai e di shumë mirë që me atë gjë që është bërë faktori ndërkombëtar nuk e fal. Ai e ka shprehur qartë dhe në video-mesazh ku thotë qartë se unë kam nisur një projekt me Zef Hilën në 2019-tën, ja kam premtuar në 2021-shin dhe ka ardhur t’ja zbatojë në vitin 2023,” – u shpreh Drini.

LEXONI GJITHASHTU:

• Roland Lami: Këlliçi ka vetëm rritje, e penalizon partia
• Këto janë dy qytetet ku Partia Socialiste mbyll fushatën elektorale