Kandidatja për kryetare e FRPD, Alesia Balliu reagon për tragjedinë në Himarë

Kandidatja për kryetare në Forumin Rinor të Partisë Demokratike, Alesia Balliu thotë se arroganca e pushtetit solli fatkeqësinë në familjen e të miturës 7-vjeçare, e cila u përplas për vdekje nga një skaf në plazhin e Potamit në Himarë, dy ditë më parë.

Përmes një postimi në rrjetet sociale, Balliu është shprehur se shteti është fajtor në lidhje me këtë ngjarje, pasi autori, i cili ishte një zyrtar policie, u bë shkaktari i kësaj tragjedie.

“Dhimbjen e kësaj ngjarje nuk ka fjalë për ta përshkruar. Është fajtor shteti! Është fajtor qeveria që një ëngjëlli të vogël ju ndal vrulli i jetës pa e nisur akoma. Nga një zyrtar i policisë i cili duhet të kujdesej, por jo, me fuqinë të cilën i jep uniforma e shtetit e ktheu në shkaktarin e kësaj dhimbje të madhe. Një komisar policie i cili akuzohej për kultivim cannabis sativa, duhet të  ishte pas hekura dhe jo në rradhët e policisë. Arroganca e pushtetit solli këtë fatkeqësi dhe shkatërroi një familje. Nuk e vrau varka. Por shteti!”, shkruan Balliu në rrjetin social, Facebook.