Kanosi shefin e Trafikut në Elbasan, nën hetim punonjësi i Gardës

Agjencia e Mbikëqyrjes Policore për Rajonin Elbasan-Korçë ka referuar materialet procedurale në Prokurorinë pranë Gjykatës së Shkallës së Parë të Juridiksionit të Përgjithshëm Elbasan, në ngarkim të një punonjësi të Gardës së Republikës.

Inspektori me inicialet M.A. dyshohet për kryerjen e veprës penale “Kanosje për shkak të detyrës”, pas një kallëzimi të bërë nga shtetasi B.L., i cili mban funksionin e Shefit të Sektorit të Trafikut Urban dhe Interurban në Drejtorinë Vendore të Policisë Elbasan.

Sipas AMP-së, nga hetimet e para ka rezultuar se gardisti ka kanosur punonjësin e policisë për shkak të detyrës, për motive të dobëta.

LEXONI GJITHASHTU:

• Ambasada e SHBA-së: VanHorn takohet me Dumanin, në fokus bashkëpunimi kundër krimit
• Konsumuan karamele që i gjetën në rrugë, përfundojnë në spital 3 të mitur në Korçë