Kaos në Kuvend, Bardhi përplaset me Nikollën në korridor: Ç’bëra që më përjashtove

Ende pa nisur mbledhja e Konferencës së Kryetarëve, nisi kaosi mes deputetëve. Deputetët demokrat bllokuan nisjen e mbledhjes ku pritej të prezantohej projektbuxheti nga ministri Ervin Mete.

Ky bllokim vjen si shkak i përjashtimit të 6 deputetëve demokrat ditën e djeshme.

E ndërsa  deputetët gjenden në korridoret e kuvendit, Gazment Bardhi dëgjohet teksa pyet kryetaren e parlamentit Lindita Nikolla se përse është përjashtuar ai nga seancat parlamentare.

“Për ça më ke përjashtuar ti mua? Ça kam bërë unë?” i është drejtuar ai Lindita Nikollës.

Kujtojmë se sekretariati i etikës ka vendosur të përjashtojë 6 nga 7 deputetët e PD të kërkuar nga mazhoranca, përveç deputetit Lefter Gështenja.

Konkretisht u përjashtuan me 10 ditë nga seancat deputetët Flamur Noka, Edi Paloka, Gazment Bardhi, Albana Vokshi dhe Bledion Nallbati dhe me 3 ditë deputeti Saimir Korreshi.

Për këtë arsye deputetët e partisë demokratike bllokuan në shenjë proteste sallën e konferencës se kryetarëve dhe nuk lejoi te zhvillohet mbledhja. PS tenton ta bëjë mbledhjen në salla të tjera dhe në zyrën e kryeparlamentares Lindita Nikollës , por deputetët demokrat sërish nuk e lejuan një gjë të tillë.

LEXONI GJITHASHTU:

• Konferenca e Kryetarëve, deputetët e PD-së nuk lejojnë fillimin e mbledhjes
• Gaza sërish pa internet, ndërkohë që trupat izraelite luftojnë me Hamasin